Negeri kite Indonesia Tercinta sering kene gempa atow orang dimari bilang “Linu”, mungkin lempengan bumi di indonesia lagi nggak stabil atau emang udah dari sononye kayak begonoh, nyang penting kite ambil Hikmahnye, smue udeh ade nyang ngatur yakni Tuhan kite Yang Maha Esa, Maha Pengasih, Maha Penyayang dan Maha dari Maha Segalanya.

Naaaah Secare nggak sengaje juge ane nemuin sebuah software Info gempa dimane kite bise langsung terkoneksi dengan BMG (Badan Meteorologi dan Geofisika) Indonesia tercinte nih Bang… nih Mpok….

Namun perlu "Di inget-inget" yeh ame Abang en mPok, Sofware nih bukannye untuk mengetahui "Akan dimane Kejadian Gempanye" (blom ade tuh Sofwer kaye gituh so... only just God yang tao) namun Sofware ini hanya ngasih tao klo lagi ade Gempa di daerah anu, di wilayah anu, begitoh Coy.

Okeh deh Coy… ane nggak mao panjang (X) lebar, udeh boanyak bgt tuh tulisan di atas sono nyang tadi tuh bozzz

Sofware ini waloupun program mini tapi jangan kuatir Coy ...banyak keunggulannye. Diantanye nih ye bang yeh Mpok :
1. kite bise mengetahui Kekuatan gempa, ampe brape Skale tuh
2. Kite bise mengetahui tanggal ame jam berape tuh Gempa terjadinye
3. Kite bise mengetahui lokasinye berdasarkan Garis Lintang ame Bujurnye
4. Juge lokasi nyang jelas berdasarkan kote besarnye Coy
5. Jike kejadiannye di laut make kedalamannye pun kite dikasih tao ame tuh Sofware

Sayangnye, klo komputer si Abang ame si eMpok harus bise/ade terkoneksi dengan jaringan Internet trus harus memiliki suare ataow punye speaker untuk mengetahui adanye kejadian Gempanye karene ntar klo ade kejadian Gempa kluar deh tuh bunyi-bunyiannye kayak Serine gituh Bang en Mpok, jangan pade kaget ntarnye yeh....

Suara Serine untuk Gempa (Alert) & Tsunami berbede-bede. Serine Gempa (Alert) agak pendek-pendek suaranye, kalow untuk Serine Tsunami nadanye poanjang semakin lame semakin keras banget deh. Namun kedue Serine tsb. dapat diatur banyak/sedikitnye suare Serine nyang mao dikeluarin dari dalem tuh Sofwarenye. Trus gedein ame kecilnye suare volumenye pan bise distel di cangkang spekernye Coy.....

Naah ....ntar klo si Abang ame si eMpok emang berkenan & selesai dowload filenye langsung install ye. Klo ane secare default ane taruh di C:\Info gempa bmg\ , ntar di dalem folder tersebut ade 3 file, file nyang harus si Abang ame si eMpok pakai/jalanin tuh Sofware Gempa nyang di buka/Klik adalah info gempa bmg.exe (ataow buat Sortcut-nya di desktop seperti gambar dibawah entu tuh…Coy) dimane 2 file lainnye yaitu file suare untuk Serine Gempa (Alert) dan satu lagi filenye buat suare serinenye Tsunami. Naaah entar dimane dan jikalo terjadi Gempa make suare serine Alert nyang berbunyi, jike tuh Gempa berpotensi Tsunami make audio Tsunami nyang bakal bekoar-koar bunyi nyaring deh.
Kayek-kayeknye nih Bang en eMpok, Sofware eni nih… cocok boe'eng (banget=red) buat kite-kite nyang ngantornye di gedung nyang tinggi-tinggi nih.























Ntar klo udah jalan langsung aje cari trus di klik tulisan Connect, seperti nyang ane kasih lingkaran merah pade gambar di atas Boz, gimane ape ade yang ngrasa kesulitan???, silah ken tanyaken kepade rumput nyang bergoyang (sorry Coy, bercjande Coy jgn tegang dong Coy) ataow email aje deh ke ane bozzz, pade tao kan email ane, udeh pindeh alamatnye email ane bukan di eR Te Tige eR We Tujuh Gang H. ngKong Mamat, tuh mah alamat kontrakan ane nyang doeloe sering kebanjiran ame sering be'eng kebakaran dong.

Terima kasih, Thank you, Maturnuwun Sanget atas waktunye deh sempet-sempetin ke marih ye Coy..., smoge Tuhan ngebales kebaikan ente ente pade ye Bang yeh eMpok.

Semoga gempa nggak sering terjadi lagi di indonesia. Amieen…!!!
Semoga artikel nyang dikit ini bise bergune & membantu si Abang & si eMpok & Boz Boz yang saya cintai serte rekan2 nyang ane omeli eh sayangi deh. Pisss Coy ....

Wassalam,
I Luv U Full

yo2einfo


NB: Thank's to Allah S.W.T.
Thank's to Yayasan Air Putih
Thank's to mas Yoyox Comptr
Thank's to All